Satimos thaj medico

Ame responsable sam kaste tu kai bešes ando Västra Götaland šai les o sastimasko- thaj medico kai trubul tut. Sastimasko- thaj medico si Västra Götalandsregionako mai bari aktivitetcia. Pašti 90 procenturi anda sa o budgeto žjal ka differento forma pa sastimasko- thaj medico.

Kana nasvavos, malaves tut vaj trubul tut konsexo pa čo nasvalimos lesa mai sigo žjutipe te areses pe vorta rig ando medico de anda gor. 1177 Vårdguiden (medico guido), vårdcentraler (medicake centraluri) thaj špiti si len differente buča te šai den tut sar paciento o mai lašo tratamento.

1177 Vårdguiden si jekh nationalnio čidimasko than pe informatcia thaj servicio ando sastimos thaj medico. 1177 Vårdguiden si disponible žjes thaj riat po webbo thaj telefono thaj medicake manuš šai birin te žjutin te phenen sosko tratamento trubul tut, te den konsexo thaj te phenen tuke kai savo medico trubul te žjas.

Te trubula te maladjos jekhe doxhtorosa vaj jekh kaver medicako manuš trubul o pervo te amboldes tu ka čo vårdcentral (medicako centralo) . Račako thaj lole žjesa amboldes tu ka jekh jourcentral. Le špiti si kudo lenge kai trubul len specialnio medico. Te si ke trubul tut sigo žjutipe mares 112.

Po 1177.se si kontaktoski informatcia ka medico ando Västra Götaland ketane.

Po 1177.se šai žjines mai but pa čačimata ando medico. Kotse šai dikhes sar te keres te si ke či san kontento le medicosa, sar žjal e medicoski garantcia, sodi kerel o medico, kon šai žjinel čo journalo thaj mai but.

www.1177.se/Vastra-Gotaland/Nationella-minoritetssprak/Nationella-minoritetssprak/